Faah faahin dheeraad ah ayaa laga helayaa khasaaraha ka dhashay Dab xalay abaaro 8-dii habeenimo ka kacay suuqa Waaheen ee badhtamaha magaalada Hargeysa ee caasimadda Somaliland.
Dabka ayaa la sheegay in uu geystay khasaare aad u badan oo malaayiin dollar ah, waxaana uu baabi’iyay suuqa oo dhan 5km. Sidoo kale waxaa socda dadaalo lagu doonayo in lagu damiyo dabkaasi oo hadda si weyn loo damiyey. Maayarka Hargeysa Cabdi Kariin Axmed Mooge, oo ka hadlay khasaaraha ka dhashay, ayaa shaaca ka qaaday in la burburiyay hantidii magaaladiisa. Ilaa hadda lama soo sheegin wax khasaare ah oo ka dhashay, marka laga reebo hanti gubatay. Buushaaro oo ka mid ah ganacsatada suuqaasi ayaa warbaahinta u sheegay in uu gubay 10 meheradood oo suuqaasi ku yaala, isla markaana uu khasaaray lacag dhan $400,000 “Anigu waxaan ku noolahay suuqa Waaheen Bacdlaha ee magaalada Hargeysa.
Waxaan degenaa 20 sano waxaana ku gubtay 10 meheradood. Meheraddeyda waxay ahayd guryaha lagu qurxiyo, wax walbana waa gubteen,” ayuu yiri ganacsade Baasho Bushaaro.
Waxa uu intaa ku daray oo uu yidhi: “Umadiinu suuqa ayay ku caydhoobeen. Xaalada qaranka caawa ayaa ah mid aad u adag, waxaana masuuliyiinta Somaliland ay sheegeen in dabkaasi si deg deg ah loo xakamayn kari waayay, kadib markii la waayay goobtii uu dabku ka kacay, taasina ay keentay in dabku qabsaday suuqa, isla markaana xaaladu xumaato.
